https://gumlet.vikatan.com/vikatan/2025-04-01/8g0xbtbf/WhatsApp-Image-2025-04-01-at-11.11.19-PM.jpeg?w=280ராணிப்பேட்டை: 210 கிலோ கஞ்சா பறிமுதல்; ஒடிசாவைச் சேர்ந்த கடத்தல்காரர்கள் கைது; நடந்தது என்ன?

வெளிமாநிலங்களில் இருந்து கஞ்சா கடத்தி வரப்படுவதாக ராணிப்பேட்டை மாவட்ட போலீஸாருக்கு ரகசியத் தகவல் கிடைத்தது.

இதையடுத்து, கஞ்சா கும்பலைப் பிடிக்க மூன்று தனிப்படைகள் அமைத்து தீவிர நடவடிக்கைகள் மேற்கொள்ளப்பட்டு வருகின்றன.

அதன்படி, கடந்த ஓரிரு நாள்களில் வெளிமாநிலங்களில் இருந்து ராணிப்பேட்டை மாவட்டத்துக்குள் கஞ்சாவைக் கடத்தி வந்த நபர்களை மூன்று வெவ்வேறு இடங்களில் கைது செய்ததோடு, அவர்களிடமிருந்து 210 கிலோ கஞ்சா மற்றும் மூன்று கார்களையும் போலீஸார் பறிமுதல் செய்திருக்கின்றனர்.

கடத்தலில் தொடர்புடைய 6 பேர் கைது செய்யப்பட்டிருக்கின்றனர்.

இதன் பின்னணி குறித்துப் பேசுகிற ராணிப்பேட்டை மாவட்ட போலீஸார், ``மார்ச் 30-ம் தேதி ஆற்காடு நகர போலீஸாருக்கு ரகசியத் தகவல் ஒன்று கிடைத்தது. அவர்கள் நடத்திய சோதனையில் 30 கிலோ கஞ்சாவுடன் கார் சிக்கியது.

இது தொடர்பாக, ராணிப்பேட்டையைச் சேர்ந்த குமரசேன் என்பவர் கைதுசெய்யப்பட்டு சிறையிலிடைக்கப்பட்டிருக்கிறார்.

கஞ்சா கடத்தல்காரர்கள்

அதேபோல, ஏப்ரல் 1-ம் தேதியான நேற்றைய தினமும் ஆற்காடு நகர போலீஸார் ரகசியத் தகவலின் அடிப்படையில் மேலும் ஒரு கஞ்சா கும்பலையும் மடக்கிப் பிடித்தனர்.

அவர்களிடமிருந்து 120 கிலோ கஞ்சாவைப் பறிமுதல் செய்தனர். இது தொடர்பாக, ஒடிசா மாநிலத்தைச் சேர்ந்த குப்தா சரண் சாகு, சுதிர் அல்பேரியா, தேபப்ரதா தாஸ் ஆகிய மூன்று பேர் கைது செய்யப்பட்டிருக்கின்றனர்.

இதைத்தொடர்ந்து, ஆற்காடு தாலுகா காவல் நிலையப் போலீஸாரும் வாகன தணிக்கையைத் தீவிரப்படுத்தியபோது, 60 கிலோ கஞ்சாவுடன் கார் சிக்கியது.

அந்த காரில் இருந்த ஒடிசா மாநிலத்தைச் சேர்ந்த ரெலிமஜி, கவுரப் திருப்பிடிகா ஆகிய இருவரையும் கைது செய்தனர். மேற்கண்ட மூன்று சம்பவங்களிலும் சேர்த்துத்தான் மொத்தமாக 210 கிலோ கஞ்சா பிடிபட்டிருக்கிறது.

சட்டவிரோதமாகக் கஞ்சா போன்ற போதைப்பொருள்கள் கடத்துபவர்கள் மற்றும் விற்பவர்கள் தொடர்ந்து கண்காணிக்கப்பட்டு வருகின்றனர். அவர்கள் மீது கடும் நடவடிக்கை மேற்கொள்ளப்படும்’’ எனவும் எச்சரித்திருக்கின்றனர்.

Asal Kolaar: `கஞ்சா வச்சிருக்கியானு கேக்குறாங்க' - குடியுரிமை அதிகாரிகள்மீது அசல் கோலார் புகார்!

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும் https://bit.ly/3OITqxs

வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்... https://bit.ly/3OITqxs

from Vikatan Latest news https://ift.tt/SCZiU4M