https://gumlet.vikatan.com/vikatan/2026-10-21/fqy2ne88/img7_crop_16x9_1064_1391_8163_4592.jpg?w=280ஜோக்ஸ்..!

ஓவியங்கள்: எம்.ஜெயசூர்யா

“மந்திரியாரே, எதிரி அரசன் நம் மீது நேரடியாகப் போர்
தொடுக்காமல் சைபர் அட்டாக் செய்கிறானாமே?”

“ஆமாம் மன்னா... நமது அரண்மனை வைஃபை பாஸ்வேர்டை 12345 என்று வைத்ததுதான்

தவறாகிவிட்டது!”

- ஆதவன்

“நம்ம கூட்டணிக்குப் பொருத்தமான ஒரு பேர் சொல்லுய்யா...”

“ ‘சந்தர்ப்பவாதக் கூட்டணி’ன்னு வெச்சா நல்லா இருக்குமா தலைவரே!”

- சு.அருண் பிரகாஷ்

``என் தொகுதி மக்களுக்கு நான் நாணயஸ்தனாக இருப்பேன் என்பதை...”

“ஓட்டுக்குப் பணம் கொடுக்கறதை தலைவர் எவ்வளவு சூசகமா
சொல்றாரு பார்த்தியா?’’

- செ.ந.வடிவேல்

ஜோக்ஸ்..!

“ஒரு மணி நேரம் முந்தி வந்துருந்தா பேஷன்ட்டைக் காப்பாத்தியிருக்கலாம்!”

“எப்படிச் சொல்றீங்க சிஸ்டர்?’’

``எங்க டாக்டர் அப்போ வந்திருக்க மாட்டார்!”

- எஸ்.முகம்மது யூசுப்

“இடைத்தேர்தல்ல நாம ஜெயிச்சுடுவோமாய்யா?”

“ஜெயிச்சுடுவோமாங்கிற தப்பான சந்தேகம் ஏன் வந்தது தலைவரே?!”
- எஸ்.கோபாலன்

“நான் என்ன சவால்விட்டாலும் எதிர்க்கட்சியினர் சரிக்குச் சரியா பதில் சொல்றாங்களே எப்படி?”

“ரெண்டு பேருக்கும் ஒரே ஸ்கிரிப்ட் ரைட்டர் தலைவரே!”
- அம்பை தேவா

“நாம ஆட்சியைப் பிடிச்சதே, இன்ஸ்டாகிராம்ல ரீல்ஸ் போட்டுதானேய்யா...”

“உண்மைதான் தலைவரே. அதுக்காக நம்ம கட்சியில ‘இன்ஸ்டா ரீல்ஸ் பரப்பு அணி’ன்னு ஒரு அணியை உருவாக்குறதெல்லாம் நல்லாவா இருக்கு!”
- சு.அருண் பிரகாஷ்

“எனக்கு ஞாபகமறதி அதிகமாகிடுச்சு டாக்டர்!”

“எப்படிச் சொல்றீங்க?”

“ரீல்ஸ் எடுக்க நினைச்சு செல்ஃபி எடுத்துடுறேன்!”

- எஸ்.முகம்மது யூசுப்.

from Vikatan Latest news https://ift.tt/BJkGKAr